النهاردة يوم غريب مش في ترتيبه .. غريب في أحداثه وافكاره .. يمكن الأفكار مش غريبة هي بتاعتي أنا .. بس الوقت مش بينسي على فكرة .......
طول اليوم مش قادر أشيل عاطف من دماغي .. حاسس إني قصرت في حقه .. مش عارف أنسى لحظة ,ماعرفت إنه اضرب ولا لحظات المستشفى الاولى ولا لحظة موته..
عاطف يحيى بالنسبالي في كلمة واحدة " القهر اسلوب حياه .. عاش فقير وفي الآخِر مات شهيد" .. كانت ضحكته حلوة قوي..
عادة بيقولوا عليَّ بارد لاني مش ببين انفعالاتي وبخبي ضعفي قدام المصابين والشهداء ورا ابتسامة سخيفة ومش بصدق نفسي لما بقول هنجيب حقهم .. حرام
في كل يوم كان بيمر على حالة عاطف في الغيبوبة اللي دامت شهور كنت متوقع وفاته بس كان عندي شعرة امل .. وده اللي سببلي صدمة لما عرفت الخبر ..
مع عاطف .. ذلك افضل جدا..
No comments:
Post a Comment