كلمة حق عليها مسئول
إن طاطا رقيق وكويس
وبشعبه دايما مشغول
مشغول بيشيل في فلوسنا برة سويسرا ... يحوشهالنا
وفي حسابات سرية .. يأمن بيها مستقبلنا !
وباسلحته يقتل بيها اغلى عيالنا
شفتوا إزاي بقى قلبه رحيم ؟
عنده ايمان وضميره سليم !
طالع واكل نازل قاتل
بيجوعكم لجل تخسوا .. آه يا شعب محتاج لرجيم
بيقتلكو لجل تقلوا .. آه يا شعب محتاج لرجيم
من جهلكم بتقولوا بطالة .. وقال العجلة مش شغالة !
الراجل نفسه يريحكم .. هي الراحة تبقى عوالة ؟
أما حكاية المنتجعات .. ليه بتساموها معتقلات ؟
ليه الظن وسوء النية ؟ .. نفسه يفسحكم يا بهوات !
قلتوا ثورة وقالكم امين ! .. مش مشكلة حبة تقتيل !
والله انتم ظالمين
والمحكمة العسكرية .. دي تسلية ليكو وليا
أما السلطة واللي اتقال .. كان اولى تتعلموا من أستاذه .. وتجيبوا سلطة تيفال
وبعد ده كله ماله العسكر ؟!
.......
طب يسقط يسقط حكم العسكر !!
No comments:
Post a Comment