بقالي زمن ياما بعيد و ببعد يمكن الدنيا غرتني و بتبعدني اكتر ولكن دايما فية امل اني راجع، معرفش مبسوط ولا فاكر اني مبسوط، المهم اني راضي، جوايا يقين ان شئ رابطني مهما بحيد عن السكة، تجارب كتير بتلخبط الواحد و بتشككة.. آه بتشككة لإن الانسان اساسا ضعيف ضعيف.
مخترتش ابعد بإرادتي او يمكن بستهبل و قلت اجرب و جايز اكون بعيد من الاول اساسا، المهم اني حاسس بدة و راصدة كويس.
كل ما بقع بفتكر و اول ما بقوم بنسي، مانت سيد العارفين قد اية انا ضعيف ضعيف.. بقوم و بتفرعن علي نفسي و اغرق تاني.
ولكن بعد رحلة مش طويلة و مش قصيرة و اول مرة اكون مش غرقان و فاكر و طالب رضا، يمكن عشان وصلت لدرجة من الغرق محسساني ان دة العادي، او يمكن عشان زي ما هما بيقولو جبت اخري... انت اعلم.
النهاردة الشعور مضطرب، بكرة هعمل اللي بعملة و مش هتغير انا عارف كدة كويس، انا ضعيف و هم اقوي بصراحة و تقدر تقول ان دة عاجبني و بيرضيني الي حد ما.
انت فاهم و عارف اية اللي مريت بية، طبعا ما انت الممتحن، طب اية الفايدة ما انت عارف اننا ضعاف، ولا انت عايز تعرفنا احنا اننا ضعاف؟.اه فهمت.. شكرا علي الرغم من الالم حسيت اني بشر.. انا عاصي و عارف و معترف.
كنت محتاج الكلمتين دول يا مولانا..
مخترتش ابعد بإرادتي او يمكن بستهبل و قلت اجرب و جايز اكون بعيد من الاول اساسا، المهم اني حاسس بدة و راصدة كويس.
كل ما بقع بفتكر و اول ما بقوم بنسي، مانت سيد العارفين قد اية انا ضعيف ضعيف.. بقوم و بتفرعن علي نفسي و اغرق تاني.
ولكن بعد رحلة مش طويلة و مش قصيرة و اول مرة اكون مش غرقان و فاكر و طالب رضا، يمكن عشان وصلت لدرجة من الغرق محسساني ان دة العادي، او يمكن عشان زي ما هما بيقولو جبت اخري... انت اعلم.
النهاردة الشعور مضطرب، بكرة هعمل اللي بعملة و مش هتغير انا عارف كدة كويس، انا ضعيف و هم اقوي بصراحة و تقدر تقول ان دة عاجبني و بيرضيني الي حد ما.
انت فاهم و عارف اية اللي مريت بية، طبعا ما انت الممتحن، طب اية الفايدة ما انت عارف اننا ضعاف، ولا انت عايز تعرفنا احنا اننا ضعاف؟.اه فهمت.. شكرا علي الرغم من الالم حسيت اني بشر.. انا عاصي و عارف و معترف.
كنت محتاج الكلمتين دول يا مولانا..
هون عليهم و ارحمهم.
No comments:
Post a Comment