Saturday, September 3, 2011

اليافطه ...

مجرد كلام بس جه علي بالي : أول يوم العيد لما كنت في التحرير و قبل ما. الشباب ينزلو اليافطه بتاعة " الجيش وعد و أوفي " أنا كنت معارض جدا و لما نزلت اليافطه و إتكتب علي تويتر إن رجالة تويتر نزلو اليافطه .. هل ده ضاف شئ ؟ هل ده أكسبنا حاجه ؟ الإجابه من وجهة نظري (لأ( و في وجهة نظر بعض رواد صلاة العيد كان ده حاجه من عمايل شويةة العيال بتوع النت اللي عايزين الوقيعه و الكلام اللطيف إياه ! .... هل لو كنا خلينا اليافطه و عملنا واحدة تانيه عليها وعود الجيش اللي متنفذتش و إنتهاكات المجلس و الناس هتشوف ده و هتشوف ده اعتقد إن كان ممكن نكسب اكتر بكتيييييييييير من مجرد يافطه و نزلت ! و من التعليقات اللطيفه اللي خرمت ودني " شوفتو أهو العيال نزلوا اليافطه و الجيش مكلمهمش قدام عينين الميدان كله عشان محدش يقول الجيش بينتهك و الكلام الفارغ ده " ...... أظن إننا محتاجين التريث شويه في أفعال الكثير منا و إن كانو بيعملوها بحسن نيه و نتيجه للشحن الثوري و العنجهيه المفرطه اللتي نعاني منها حاليا .. الفتره اللي جايه محتاجه تفكير قبل أي عمل ممكن تكون نتيجته عكسيه علينا .. محتاجين نبص لقدام مش تحت رجلينا ! ... محتاجين يبقي الشعب و الشعب إيد واحده ... لو النخبه اللي المفروض بتفهم و بتفكر بتعمل كده يبقي .... إلي الجحيم
ايتها القله المندسه المدعيه النخبويه !! الشعب مهم علي فكره .. و محدش يقولي إن مش مهم و أنا مكبر الحكايه و إن ألثوره لا يقوم بها شعب كامل هدر و أقول إن ألثوره لا يقوم بها أشخاص لا يسمعون حتي أقرانهم !!! و لا يأتمرون بأمر صوت العقل !!

No comments:

Post a Comment